اغاني الكاشف

من طرف الموج الازرق السبت أغسطس 18, 2012 2:15 am

حبيبى قلبى حاب
رحلة بين طيات السحاب
وحدنا...إنت وأنا
حبيبى خاف يوم الذهاب
فى بساط الريح المهاب
حبيبى عاتبنى وبعيونو كل العتاب
وللأحباب لغة العيون أبلغ خطاب
قال لى ألمس قلبى داب
أنا خايف وانت شايف
طوينا الجو طى الحجاب
وبقو لينا الأنجم قراب
من هنا آهن هنا جنبنا
قلت ليهو لاتعمل للخوف حساب
عملت ليك أسباب الراحة العجاب
أحدث ما عرف الوجود
أشبه بنعيم الخلود الفى الكتاب
علشان رضاك وعلشان تقول
واقول معاك أنشودة الهوى والعذاب
الحب نما وبلغنا أسباب السما
سبحنا فى العلا كالشهاب
ونشوف العالم رهاب
تحتنا ويهتف لنا
يا بختنا إنت وأنا
عدنا بسلامة الاياب
وبينا ماطال الغياب
من رحلة كانت فى هضاب
طى الأثير ومع السحاب
وصلنا جهة معينة مين زينا
امتزنا بعلو الركاب
اتخذنا الأفق رحاب
واتخذنا الأنجم صحاب من ضمننا
شربنا كاسات الهنا
دور منهن ودور مننا

من طرف الموج الازرق السبت أغسطس 18, 2012 2:17 am

أنا ما بقطف زهورك

أنا ما بقطف زهورك بس بعاين بعيونى
يا الغصن الفى نهورك
ويا البدر الفى خدورك
مترقب ظهورك أتأمل فى محاسنك
واتمتع بمناظرك واتوسع فى فنونى
لعبت بى دورك واصبحت مسحورك
وعرفت أوزانك وعزفت ألحانك آهات توالينى
لازلت مأسورك وماقادر أزورك
ملأ العيون نورك كشف الظلام بسمك
واتجلى لى رسمك شخصك ملا عيونى
أضنانى تأثيرك
وما بشكى لغيرك
أعيانى تفسيرك
يا الرمز الحيرنى
وهواك صيرنى أتحدى العزلونى
يا العالى موهوبك
الناس يآنسوبك
يا الراقى أسلوبك
يا العالى تعليمك
أنا من مظاليمك
إيه ذنبى ورينى

من طرف الموج الازرق السبت أغسطس 18, 2012 2:17 am

حليل زمن الصبا

حليل زمن الصبا الماضى
حليل زهر الحياة الزاهر
حليل زمن الحبيب راضى
وحليل زمن الهوى الطاهر
حليلو الأفلج الباسم
حليلو الكاحل الناير
حليل قمر السما القاسم
لياليهو وصبح داير
آه لو آه تفيد مجروح
والمثل القديم ساير
رهاب ما حصلو الجارى
وسماك ما بحصلو الطاير
تجدنى مراقب أخبارك
إذا النسمات بها تخابر
تجدنى على الفراش مضنى
تجدنى على الأسى صابر
أنا البعدك أصون عهدك
وليتك كنت بى خابر
وليتك مرة تذكرنى
ولو فى ذكرة الغابر
فداك نوم عينى يا نايم
وهل بلغك أنا مساهر
أراقب فى كواكب الليل
أراك بيناتها ماك ظاهر
أغض الطرف واتناوم
أقول يا الحسنو لى جاهر
متين أنظر جمال نورك
ووين ياكوكبى الزاهر
جمالك يسعد الشافك
صباحك يشرح الخاطر
مياسك دا الهلك ناسك
دلالك وبسمة الفاطر
خدودك وازدهار لونك
زهور وشما الندى القاطر
وروحك روح نسيم الروض
إذا مزجو الشذى العاطر
تعود لمسالمتك سالم
بعودة سلامة يامسافر
أشوفك زى ملاك رحمة
أشوفك زى غزال نافر
أشوف فيك منتهى الرقة
أشوف فيك هيبة الظافر
أشوف فى لثامك البدر
البفوق بدر السما السافر
ذكرى أهاجت الذكرى
دوام فى فكرتى تخامر
حليل الماضى وايامو
حليل الرونق العامر
حليل زمن الحبيب طايع
حليل زمن الحبيب آمر
زمنا الكنا لاندرى
بما كان الزمن ضامر

من طرف الموج الازرق السبت أغسطس 18, 2012 2:18 am

الليل مابنومو

أنا حارس نجومو
طول يا ليل وهود
عاجبنى طول الليل
الليل نسيمو عليل
الليل سكونو جميل
الليل به النسمات
تتأمل الأفلاك
الليل به العشاق
تتذوق الأخلاق
تتناجى بالأرواح
ولشدة ماترتاح
مادايرة تانى صباح
أنا راصد كوكبو
تايه فى ظلامو
وساير فى مواكبو
سابح فى خيالو
وماعاشق جمالو
بس لى فيهو ذكرى
وماخد عنو فكرة
يكون فيه التلاقى
وانظر فيه حبى
والحابيه قلبى
ينظر ما ألاقى
ياليل إنت شايف
توليهي وهيامي
ياليل انت عارف
اشياء من غرامي
اما بلغك ياليل
بالله عيرني سماع
احكيلك حبي الضاع
وتغير الاوضاع
هويت محاسن انسان
في غايه الابداع
عاهدني وحبيتو
ووجدت عهده خداع

من طرف الموج الازرق السبت أغسطس 18, 2012 2:19 am

الشال منام عينى وفؤادى جارحو

الشال منام عينى وفؤادى جارحو
إنشاء الله يلاقينى وبهواى أصارحو
نتقابل الأتنين
أشكيلو مر البين
لعل قلبو يلين
يعطف على المجروح
والروح تناجى الروح
والعين تشوف العين
والإيد تصافحو
أقول ياحبيبى
متى يبقى تقريبى
متى تبقى حاسى بى
ليك بالمودة أبوح بين الرياض والدوح
جالسين ومتآنسين
أنا واب عيون ناعسين
فى الحب أفاتحو
نقيف فى شاطى النيل
يعطف على ويميل
واقول له إنت جميل
يابدر نور ولوح
يازهر عطر فوح
ولا إنت إسمك مين
قال فى ابتسام ياسمين
عبقت روايحه

من طرف الموج الازرق السبت أغسطس 18, 2012 2:20 am

البتوحيه العيون

البتوحى للناس العيون
ياغزال هن أساس الريد والفنون
العيون الفيهن نعاس
هن أساس معنى الجناس
هن بثيرن فى الناس حماس
هن بقودو الزول للجنون
العيون البيض لوصفن
يجرحنك ويتلاصفن
مرة نظرن لى أوقفن
شالو نومى وما أنصفن
العيون السود كاحلات
فى دلالهن متساهلات
يجرحنك ماسائلات
يتركنك متهاملات
وجنننى ياخى العيون
هن أساس الريد والفنون

من طرف الموج الازرق السبت أغسطس 18, 2012 2:21 am

باسم الحب

حياتى ومعاها العطف الجميل
باسم الحب أقدم ليك حياتى
عليك ياحب تحياتى
عليك أوقفت غاياتى
لحبى أضحى بحياتى
أحب الحب وأيامو
وذكرياتو وأحلامو
وما يوحيه إلهامو
حياة الحب أسميها السعادة بكل معانيها
أقيم ليلاى أغنيها
روح ياليل تعال ياليل
أحب فى كل أوقاتى
ألاقى حبيبى يوماتى
أقول ليهو ويقول لى
العهود بيناتنا مرعية
أقول ليهو تعال لى
نجلس جلسة غزلية
أمتع فيك عينى
أشوفك وانسى آلامى
واقول حققت أحلامى
على تميل وعليك أميل
فيك أمعنت نظراتى
وجدتك كل مسراتى
وأفراحى وملذاتى
أحبك وانسى فيك ذاتى
حبيبى أراعى تقديسك
ويرتاح قلبى لحديثك
حديثك يشفى العليل
والله يا السامى الجليل
الحب الصادق قليل
البشبه حبى النبيل
فبدون جميل أهوى الجميل

من طرف الموج الازرق السبت أغسطس 18, 2012 2:22 am

رسائل

حبيبى أكتب لى
وانا أكتب ليك
بالحاصل بى والحاصل بيك
الحاصل بى أنا شوق وحنين
وبقيم الليل آهات وأنين
فارقنى حبيب آلفنى سنين
ماليك أمان يادا الزمان
ياليالى زمان الله عليك
ياحبيب روحى يانور عينى
ياوحيد عمرى المادمت حى
أكتب لى عن كل شى
أذكر ودادى وارحم فؤادى
أرع الوفاء ودع الجفاء
واذكر صفا أيامنا ليك
أذكر جلوسنا على الربى
نستعرض أسراب الظبا
نسمع لهمسات الصبا
ونحن فى فجر الصبا
أبسم إليك تبسم معاى
تسمع غناى
مع صوت الناى وانا يامناى
الطول حياتى بغنى ليك
أنا أكتب ليك وانت أكتب لى

من طرف الموج الازرق السبت أغسطس 18, 2012 2:22 am

حجبوه من عينى

إلا من قلبى لا ماقدرو حجبوه
حجبوه من عينى
وضاروه حاسدنى
بقوا بينو مابينى
لا أدرى ماذنبى
منعوه من حبى
وبعدوه من قربى
وأبوا لايبارحوه
هو منطقى وذوقى سموه معشوقى
الليهو زاد شوقى
مع إنو فى قلبى
هو الوحيد حبى
يا عوازلى وصحبى
بس ما تشوفوه
هو ما بتشوفو عيون
وما حامو حولو ظنون
وديع رقيق وحنون
هو القطعة الشيقة
والشمس المشرقة
والنار المحرقة
اهو رمز حلوه

من طرف الموج الازرق السبت أغسطس 18, 2012 2:23 am

الشوق والريد

الحب البان فى لمسة إيد
وأغانى نقولا
نقول ونعيد
والدنيا زهور فى عينينا
تصبح كل يوم زى طفل وليد
كل الأشواق بتجرح قلب المشتاق
ليل ياهاجر ليك رسالة
لوروحك يوم تنسى دلالا
تشوفنا قريب ماتتعالى
تسألنا ونسأل عن حالا ونعيد الكان
حليل الكان
نخلى الحب يسرح بينا
يبقى جناحين ويطير بينا
نشوف الدنيا ربيع وزهور
نسكت وتتكلم عينينا
نعود أحباب زى ما كنا
فى دنيا الحب نلقى الجنة
ياحبيب الروح يا أغلى غرام
أسأل قلبك برضو يقول لك لو كان حن

من طرف الموج الازرق السبت أغسطس 18, 2012 2:25 am

أسمر جميل عاجبني لونه

وكحل سواد الليل عيونه

عالي النخيل ما ضقنا تمره

اسمر جميل ما حن عمره

جسمي العليل استحلى جمره

شرع الغرام طايع لامره

أسمر جميل بادي الوسامة

زانت جمال خده ابتسامة

فوق الخدود عاجباني الشامة

من العيون الله السلامة

اسمر جميل فتان بريده

كل الخلوق تتمنى ريده

فن الدلال ياناس بجيده

عقد القلوب منظوم في جيده

من طرف الموج الازرق السبت أغسطس 18, 2012 2:26 am

وداعاً روضتي الغنّاء

وداعاّ معبدي القدسي

طويت الماضي في قلبي

وعشت على صدى الزكرى

وهذا الدمع قد ينبي

بظلم المهجة الحيرى

لماذا الهجر يا حبي

لماذا الهجر يا حبي ؟

لماذا دهرنا ضنّى

وشبع روحي باليأس ؟

وداعاً روضتي الغنّاء

وداعاّ معبدي القدسي

نسيتي الماضي ياليلى

وماضي الحب والطهر

ليالي نقطع الليل

بحلو النجوى والشعر

نسيتي ليلى إذ كنا

نفدي النفس بالنفس

وداعاً روضتي الغنّاء

وداعاّ معبدي القدسي

أظل أردد الشكوى

على ما نلت من وجد

حبيب الروح لا أقوى

على حمل الهوى وحدي

ولما لم أجد سلوى

ولما لم أجد سلوى

كسرت ابريقي والدنا

وسكبت على الثرى كأسي

وداعاً جنتي الغنّاء

وداعاّ معبدي القدسي

من طرف الموج الازرق السبت أغسطس 18, 2012 2:27 am

الحبيب وين؟

خدك السادة

ولونك الخمري

خلقوك يا روحي

لودار عمري

لو جفانا

ما بنحيد عنه

الحبيب وين ؟

نحن دايرنه

يا السفروك

بالقطر ودوك

شالوا القليب مني

يوم ودعوك

شكلك ظريف

دمك خفيف

محبوبي وين ؟

دا الساكن بري الشريف

يا المسافر

أوع لا تنسى

الحبيب وين ؟

الليلة كيف أمسى

الحبيب وين؟

قالوا لي سافر

من طرف الموج الازرق السبت أغسطس 18, 2012 2:28 am

يا صغير

يا محيرني ومتحير

أنا عمري غرامك أنت

وغرامك عمره قصير

الريدة جديدة عليك

بتبين في كلام عينيك

والشوق فضاح يا حبيبي

أنا خايف يلعب بيكا

سبحان الخلقك زينة

خلاك تتعالى علينا

تتباعد ليه ياظالم

زي ما حبيت حبينا

يا الزينة وعاجبك زيك

مين في الأحباب مين زيك

يا البدر العالي الغالي

ياالزينة وباهي في حيك

من طرف الموج الازرق السبت أغسطس 18, 2012 2:29 am

زورنا مره
يا حبيبنا مره
بلاك أشوف
النور ظلام
وأذوق طعم
الحاجه مُـّره
لما رأيتك
بالقرب مني
بسعد أظني
هل تدري إني
أحس بعظمه
وشان كبير
أفرح كتير
فرح كبير
وأكاد أطير
من الفرح
والأمل أحيا
وأحالف المسره
بس زورنا مره
تاني مره

من طرف الموج الازرق السبت أغسطس 18, 2012 2:29 am

الليلة لاقيته

ملأ السرور قلبي

وبي أسمه ناديته

لها وأنشغل عنى لأنى غبيته

دق وخفق قلبي وغلبنى تثبيته

فضلت أتأوه وما قدرت أنبيته

من وقتها وعنها وطوالى حبيته

الليلة لاقيته

القلب حباه

وبالشكر واليته

ما عشقت هندامه وقامته وتواليته

أنا عاشق أخلاقه وقدرته جليته

ياليته يشعر بى ياليته ياليته

بالزمة با مدهش

وجدانى هزيته

منى الفؤاد بالصد صدعته وأذيته

وأن حلفونى بأسمك عن ضررى عزيته

ليه ودى بالهجران يا حبيبى جازيته

أنا لو ضمنت رضاك

كان شخصى هنيته

وبيك تم لى أملى

الفى الكون تمنيته

وأقول صريح للناس يا ناس السعد ظنيته

عرج على بعد ما خلاص العمر أفنيته

من طرف الموج الازرق السبت أغسطس 18, 2012 2:30 am

رف قلبى لى جناح النسايم
راح وشافك وشاف جمالك
شاف جمالك وانت نايم
شافك لقاك...اجمل ملاك
وردة ربيع ...قطاك نداك
يا وردة أحلى من الزهور....
مالوا القمر ياحلوة خلاهو الظهور
رسلت قلبى ليك هناك
جانى ورجع محتار معااك
احتار انا ...احتار انا
انا حبى وين ....انا عمرى وين
عمر المعذب كم سنة ؟؟؟
احترت فى عمرك سنين
يوم الهناك ولا الهنا!!
اضحت حياتى مقسمة
نص فى الأرض نص فى السما
انت القمر وانا كلما زح
السحاب ألقاك تميل
فييك الدلال وأصلو الدلال
حق الشباب
وانت السحاب حجبك
كتير وانا فى الأرض
يا روحى حارقنى الهجير
بتنسى ليه
وأنا قلبى بيتذكر كتير
يوم لقيتك ......وهويتك
وانت وريتنى الحنان
الحنان الفى أحلى نظرة ..وابتسامة
فى خيالى احلى ذكرى
بالأشارة ....نظرة عابرة
شفت حبك
كنت قايل ...كنت فاكر
الجميع عارفين محبك
والعيون راصدانى لمن
ابقى جمبك
وتبقى ذكرى ..فيها انت
وفيها قلبى وفيها قلبك
وفيها يوم المهرجان
أحلى من عمر الزمان

من طرف الموج الازرق السبت أغسطس 18, 2012 2:31 am

الشوق و الريد

و الحب البان في لمستك
أغاني نقولا
أغاني نقولا نقول و نعيد
الدنيا زهور
الدنيا زهور في عينينا
تصبح كل يوم زي طفلي وليد

كل الأشواق
آهه بتجرح قلب المشتاق
ديل يا هاجر ليكي رساله
لو روحك يوم تنسى دلالها
تشوفنا قريب ما تتعالى
تسألنا و نسأل عن حالها
و نعيد الكان

نعيش نعيد الكان حليل الكان
نخلي الحب يسرح بينا
يلقى جناحينو يطبر بينا
نشوف الدنيا ربيع و زهور
نسكت و تتكلم عينينا
و نعيد الكان

ليك رساله
لو روحك يوم تنسى دلالها
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ

اغاني الكاشف

اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

رد: اغاني الكاشف

الأحد	الإثنين	الثلاثاء	الأربعاء	الخميس	الجمعة	السبت
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30