مدائح اولاد حاج الماحي

من طرف **العمرابى** الخميس أغسطس 09, 2012 9:51 am

صلاة وسلام لي محمدا
صلا وسلام لى محمدا *** خاتم الرسل سيدي أحمدا
يا لساني قول الله واحدا *** حاشا لم يلد لالُو والدا
واجب الوجود باقي مفردا *** أنفى للشريك عَنْهو وأبعدا
مالك الملوك سامع الندى *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا
نمدح الرسول ديمه سرمدا
أثني بالرسول المؤيدا *** التقي الرؤوف الممجدا
كامل الخصال والمحامدا *** صاحب الِلو وصاحب الرِدا
ليلة الولود خَرّ ساجدا *** طاهراً نظيفاً مُبرّدا
مكسي بالجمال وجهو يوقدا *** أفلجاً كحيل غير أثمدا
حاجبو كالهلال قارف النِدا *** نورو بَقّ في الكون ضوّا من بدا
فاق على السما حتى أصعدا
طاهر الأكفاف يا محمدا *** كامل الأوصاف يا محمدا
أنت أبي الشراف يا محمدا *** سيد الأمة كاف يا محمدا
قلبك الرءآف يا محمدا *** تَرجِب البخاف يا محمدا
نورك الرفراف يا محمدا
ليلية الوٌقاف يا محمدا *** للكرب كشَّاف يا محمدا
السلام أرداف لى محمدا *** مِنّي ليك آلاف يا محمدا
حابّك الجليل يا محمدا *** نخبة اسماعيل يا محمدا
أنت خير الجيل يا محمدا *** صاحب الخليل يا محمدا
سيد لِوى الإكليل يا محمدا *** وجهك الجميل يا محمدا
طرفك الكحيل يا محمدا *** شَرعك العديل يا محمدا
حاشا ما ب يميل يا محمدا *** جيتنا بالدليل يا محمدا
ليلة الزِلْزِيِل يا محمدا *** يا التخمْد الويل يا محمدا
الجذع بكا لى محمدا *** جَاز وانتكا لى محمدا
الجماد حكى لى محمدا *** والبعير شكا لى محمدا
جَلْ ربَّكا يا محمدا *** عَلّا قدرك يا محمدا
أين مثلك يا محمدا *** الرُسلي سابكا يا محمدا
مافي بعدكا يا محمدا *** وافي وعدكا يا محمدا
ضاوي وجهكا يا محمدا *** فاق جمالكا يا محمدا
المباركا يا محمدا *** لينا ادركا يا محمدا
الجِذع رزم لى محمدا *** جَار بالبرم لى محمدا
الجماد نظم لى محمدا *** لا لسان لا فم لى محمدا
المُنير قَسَم لى محمدا *** خَرْ وانقسم لى محمدا
القَصِير أب دم لى محمدا *** قاّلو فيَّ دم لى محمدا
ذلك الأصْم لى محمدا *** إن وِطاهُو جَمْ قول محمدا
كم وكم وكم لى محمدا *** لا عدد لا كم لى محمدا
طاهر القدم يا محمدا *** اللَّى الرسل ختم يا محم

من طرف **العمرابى** الخميس أغسطس 09, 2012 9:52 am

شوقك شوى الضمير
شوقك شوى الضمير أطراك مناي أطير
أنا حابك من صغيـــر بريدك يالبشيــــر
بسم الله يــا قديـــر يا عــالي يا كبيـــر
يا جابر الكسير دبرنا يا بصيــــر
بي أحسن التدبير من فضلك الكثير
جود يا كريم بي الخير أنصرنا يا نصير
ويسر لنا العسير
ثنيت بالبشير محمد النذير
شفيع القمطرير يوم موقف الهجير
والشمس تستدير يجري العرق خرير
تتفلت أم زفير جانا النبي الأمير
بي كفو حين يشير يخمد حمو العسير

يا فمي جيب تشكير لي الكمل أهل الخير
ناس سيدي بابكر كان للرسول وزير
الفاروق مع الحبر لا زالوا بي تكبير
الرابع القاهر كرار علي الظاهر
زام صدرو بالكرير بي سيفو ذو الفقير
كم رامي لي زنطير قال فاسق الحمير
أخير لنا الفرير قاليهو يا خنزير
ما بينفع التعذير جنزر كلاب النير
ملاهم جنازير

وين ستت التدبير السامو للعمير
ناس طلحة والزبير سعد و سعيد صفير
ياعبيدة العمير عمار بن ياسر
الكندي متبدر ضرغام ضرار شاطر
سيدي ابن عوف عاشر كاد بولس العوير
ابن الوليد نادر في حمزة يستتر
هو الحلل الكشير الصقر اب قراقير
فوق العلوج نفير

ياخواني لا البااقير لا قوز البسابير
مويس والسناهير السيال مع الجوير
كرقوس والمغاوير الدامر والعشير
الباوقة و البنقير مقرات مع اب سدير
بي داير المناصير جيراني الكجاجير
قريب الكواوير جريف الحواج نير
سقاي ولاد بشير عمران و السواعير
دويم ود حاج شهير تنقاسي و القرير
الدتي و الحجير حلة ولاد بصير
جزيرة ود سرير عربان الهواوير
في أبقش التجاجير لاتنس الجبابير
سوابق والبدير لا أرقو و الحفير
ابريم كنوز والدر مايشوفو زمهرير
في زفة الوزير

صليت ألوف تكرير سلاما غير تعبير
بي عد التفاسير عدد الدواب و الطير
الصقور و الزرازير الجراد و العصافير
ونبات و العتامير القوي والقرير
الحنطة و الشعير من عبدك المحيسير
الماحي المغيرير خايف من الكرير
يوم يقطع الفرفير داير الرسول يحضر
عن ضمة القبير يحبس سؤال نكير
في بيتو مستتر لا يومت النشير
في تاجك ننحشر

من طرف **العمرابى** الخميس أغسطس 09, 2012 9:53 am

يا رحمان ارحم بى جودك
يارحمـان ارحم بى جودك دلى الغوث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
*****
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
*****
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
*****
يا الخلفا الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
*****
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
*****
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
*****
شئ لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
*****
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
*****
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
*****
شئ لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
*****
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
*****
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
*****
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
*****
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
*****
شئ لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
*****
شئ لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
*****
شئ لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
*****
شئ لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
*****
شئ لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
*****
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
*****
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
*****
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
*****
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
*****
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
*****
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
*****
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
*****
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
*****
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
*****
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
*****
شئ لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
*****
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
*****
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
*****
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا

من طرف **العمرابى** الخميس أغسطس 09, 2012 9:54 am

طيبة
طيبة الجميل وساما يا ليله جات نساما صلاه عليه وسلاما
يــا ليـلـة ولــدك وافــي فــى الـحــج وقـفــوف وطـوافــا
يسـعـى ومـنـى وإزلافــا زمـــزم يـشــرب لـــى سـلافــا
يــــا لـيـلــة لـيـلــك جــافــا ولــــدك حـكـايـتـو خــرافـــا
نـاقــص خـشــوع ومـخـافــه واقــــع لــقــي الاشــرافــا
يــــا لـيـلــة دى الاوصــافــا يــاتـــى الـقـلـيــل وكـفــافــا
صــاحــب اســيــد وحــذافــه انــــور جـمـيــل وقـيــافــه
دا الـحـجــا بـالانـصـافــا فـــــى الـمــلــه ولا الأحـنــافــا
دا الاكـــــرام الاضـيــفــا ود هـــاشـــم عـــبـــد مــنــافــا
الــوجـــه نـــــور كـشــافــا يـالـيـلــه ديـــنـــو نــضــافــا
الــفــات الـجـنــة وشــافــا قـطـعـولــوا مـــــن اقـطــافــا
يــــوم الـخـلــوق اوقــافـــا يــســـر ويـمــيــن وعــرافـــا
نــــادوا الـبـزيــل الافــــا نـصـبـولـوا لــــواء الـخــلافــا
صـلـيــت عــــدد آلافـــــا عـــــدد الـخــلــوق وصـنــافــا
يــــا لـيـلــة نــطــوى مـسـافــة بـالـنــون قــبــال الـكـافــا

من طرف **العمرابى** الخميس أغسطس 09, 2012 9:54 am

يا ربي فرج همنا

يـاربـي فــرج همـنـا فــي جــاه نبيـنـا تلمـنـا
بـسـم الله ننـظـم نـمـنـا بالله الـمـفـرج هـمـنـا
عالـم عددنـا وكمنـا كـل سـاع رحمتـو تعمنـا
أثـنـي الـكـلام لــي الأمـنـا أدم أبيـنـا وأمـنــا
أحمـد كسبنـا وخمنـا فـي جاهـو ربـي يلمـنـا
ليـلـة وقـافـنـا وطـمـنـا نـنـفـر ابـيـنـا وأمـنــا
حـر الهجيـرة يحمنـا جـاه أب علامـة يعمنـا
ايـاك ضرانـا وضمـنـا ايــاك كـشـاف غمـنـا
لــولاك يــوم ملمـنـا الجـنـة خـيــرا يسـمـنـا
ايـاك مياهنـا وجمـنـا وايــاك عطـانـا وكمـنـا
سيـد لحمنـا ودمنـا وشوفنـا وسمعنـا وشمـنـا
لـيـك بـنـردف نمـنـا تـفـرج صـلاتـك هـمـنـا
يانـور قلوبنـا ويمـنـا مـدحـك جبـرنـا وتمـنـا
أصحابو روحا مثمنا هم باعوا وهو المضمنا
كـرار يقـول متيمنـا نسقـي البطاريـق سمـنـا
الماحـي قـال لـك لمـنـا نـحـن وأبيـنـا وأمـنّـا
خالنا وجدودنا وعمّنـا فـي الراحتيـن تضمّنـا
الصّلا والسّلام من فمّنا بي عدد عددنا وكمّنا
ما صبّ وابل وجمّنا لي طيب زمانـا وشمّنـا

من طرف **العمرابى** الخميس أغسطس 09, 2012 9:55 am

عيب شبابي الما سرح
عيب شبابي الما سرح *** والله لأب شوقاً جرح
قام العِبيدْ من نومو صَحْ *** لقا جنبو لبناً في قدح
سَمّى وشِرب زيّن اتنتح *** حمد الإله حالو إنصلح
جَدْ في السؤال لى ربّو لَحْ *** قال يا كريم بابو انفتح
أعطوه تفاحات بلح *** حين ذاقا قال دمّاعو تح
رادلو الجليل قلبو انشرح *** طاب قلبو مسرور بالفرح
جاب لى شفيع الناس مدح *** شتمو الهبيش دق ونبح
السمعُو في جوفو انجرح *** من شوق حبيبو يسوي أح
قام همّل العقبات رَوَحْ *** في شرقوا بالوديان سرح
شاف كوكبو الضاوي إتضحْ *** في الروضة فوق غوفو انبطح
شاهد رجالاً غير جٌنحْ *** ماسكا الدلائل والسِبحْ
ثنيتو بالنبي النَصًحْ *** الدينو للبلدان صَلَحْ
صادق اللسان الما فَشَحْ *** بالحق يقول حتى إن مزح
والله مثلك ما نجح *** بالرسلي ميزانك رَجَحْ
يومت وجوهنا بِقتْ قَبَحْ *** جاهك يعم الاتفضح
نوراً قديم في الكون سَطَحْ *** صلى الأله ليهو ومَدَحْ
في مكة جاب لينا المِنحْ *** في طيبة قبرو الانطَرحْ
الدنيا خيرا يزول لِمحْ *** تعكس عليك بعد الفرح
يا ناسي فرضك وانسدح *** الموت وراك إن طِرْ سبحْ
كم من عزيز فات وإنشتح *** بارودو يبكي تَرحْ تَرحْ
حين يومو تَمْ قَنَت وقح ْ *** في غفلة جا اللفّاح لَفحْ
كم من شباب قالب الكشح *** فوق البريم لابسا التَلحْ
راح في التراب فوقو إنكتحْ *** زيو المليحْ غَبّا وانقبحْ
يا الماحي كسلك ما بيصح *** شوف الدقوني الفوق نَجَحْ
رحم الله للعاقب بَرحْ *** في وصفي انا الدون والأشح
يا ربي صلّي كما شرحْ *** تسليمي عد برقاً لَمحْ
عدد العنب عدد البلح *** للمِنْ بهامو النيل طمح

من طرف **العمرابى** الخميس أغسطس 09, 2012 9:55 am

سمح الوصوفو
آداء/ أولاد حاج الماحي
سَمح الوصوفو يا رب نشوفو حَرَمو وسُرُوفو ..نَعقِبْ نطوفو
الراوي سَمّ ونقّر دفوفو *** مَدحاً مُوزّن ..فوق الحُروفو
بالألف.. الله ربي اللطوفو *** بالباء .. بهلّو الأسرار في جوفو
بالتاء .... توانى مِسْكو العَسوفو *** بالثاء .. ثنايا بَرقاً خَطوفو
يالجيم .. مجمّل سمحات وصوفو *** بالحاء .. حُيُالو ضرع العجوفو
بالخاء ...........لخلقو ينظر يشوفو *** بالدال .. دَواياَ للصايبو جوفو
بالذال ..لى ذكراً شاع في الخيوفو *** بالراء .. رءوفاً للناس عَطوفو
بالزين ....... لى زياً يوي العَكوفو *** بالسين .. يساعد للكان لهوفو
بالشين.. شفاعتو يوم الوقوفو *** بالصاد .. صحابتو شايلين سيوفو
بالضاد .. يضوّي بين الألوفو *** بالطاء .. مُطهّر قلبو الرؤفو
بالظاء.. يظِلّو الغيم رفوفو *** بالعين ..علامتو فوق الكتوفو
بالغين .. غَفَرْلو وأمّن لى خوفو *** بالفاء .. فصيحاَ للسر كَشوفو
بالقاف ....... قفّل باب الخسوفو *** بالكاف .. لى كفاَ ينبع سُرُوفو
باللام ..... لِماهو يا رب نشوفو *** بالميم .. معاهو يوم الوقوفو
بالنون .. نروّح لى ذاك غوفو *** بالهاء .. نهاجر ونسعى ونطوفو
بالواو ...ولامِن آخر الحروفو *** بالياء.. يمينو يكرم ضيوفو

يا ربّي سَآلك تقبل لى مطلب *** تعطيني جملاً كَبِبي أصهب
مُو الدون قِصيّر وماهو المشقلب *** أصهب بشاري طايع مأدب
صدراً مفجَّج في شوفتو ترغب *** سَرجاَ سناري محكوم مذهب
والفروة مِرعِزْ اتنيها واركب *** فوقو إن رفعت من حينو جَلّب
قُلتْ يا سلاماً أقبل وقبقب *** تسمع مشيهو رجليهو طَبْ طَبْ
ينسف دوايرو بينات يلعب *** ليهو المسافة تِنْصّرْوتقرب
الماحي فوقو بىمدحو يطرب *** بى زمزميتو والزاد محقّب
إن ردت تاكل وإن ردت تشرب *** هوِّى ومُناي في ام سور وكوكب
القبة خضراء ونساما هبهب *** نوصل نزورو وفي شفاعتو نُكتب

من طرف **العمرابى** الخميس أغسطس 09, 2012 9:56 am

القبة التلوح أنواره
يا اخواني جاتنا عِبِارة *** القِصص الِبقنْ في الدّاره
اسمعوا وشوفو يا حَضّارة *** قالوا.. لا تمدحوا المختارا
المُداحْ صُغار وكبارَا *** سابق ، لا حنين وبشار
حالف، شِل يمين تِكرارا *** ما سِمعْ في المديح إنكارا
حتى إن كان تفور باقدارا *** نمدح فوق رسولنا بَطارا
إن كان أخشى أخلّي الطارا *** عُقبان اسم أبوي خساره
كاسو وعِدْموا فينا بَصاره *** وراحو يحرّشو النظارا
العادانا فعلو عَرَارا *** باقيلو المَغَسْ عوّارا
أحمد ، سيّد الأبرارا *** صاحب الحِلة والأنوارا
أدرِكْ مادحك الشكّارا *** في الياذاهو دق مُسمارا
وينكُنْ يا صديق الغارا *** يا عمر الفشا الأسرارا
يا عثمان ويا الكرارا *** يا خالد... تجونا بدارا
يا أعمام النبي الأحرارا *** يا أهل البقيع والحارا
يا ابن ادريس اقيفوا جباره *** هذى الفتنة خَمِّدُوا نارا

من طرف **العمرابى** الخميس أغسطس 09, 2012 9:56 am

صلـى علـيـك يــا حجـانـا
صلـى علـيـك يــا حجـانـا ســلام علـيـك يــا الـرسـول ملجـانـا
شرعت فــــى اول بــدانــا لـحـاضــر مــــا بـيـغـيـب مـعـانــا
ورجــوت يقـبـل جمـيـع دعـانـا يـزيـل همـونـا ويـكُـف اعـدانـا
ثنيـت بـريــس الجـنـانـه مـحـمـد الـفـروعــو مــــن كـنـانــه
نهـار يقومـو الخلـوق محانـه قسـم يميـن فوقـك الضمـانـه
في ليل ميـلاده الرسـول الهـادي يلـوح النـور ضو كـل وادي
فـى جـوف اليـل صيح المنـادي ياقـوم سابقـاكـم السـعـادى
صاحب الـقـامــه الـعـديـلـه رســونــا ود عــــزة القـبـيـلـه
مفـتـاح الجـنـة النـبـي ودليـلـه وبـلاهــو مـــا بنـهـبـش سبـيـلـه
ود عــز مــن جــد لأبـيــه الـقـواسـي كـانــت تـهــون علـيـهـو
جمال يوسـف حكولـنـا بيـهـو ده شــئ قلـيـل لا نـمـن بيـهـو
ومعاجـزوا ظاهـره ولا نقيمـه ولسانـو معـصـوم مــن النميـمـه
يوم سرح مع ضمره بن حليمه مـن الهجيـر كـان تظلـوا غيمـه
كيتـيـن للشـقـي وعِــداوى الصـمـام تلـيـن تحـتـو مـــا بـتـقـاوى
بجودو حلا الرهين يلاوى يوم بمسوا كان للمريض بيداوى
بريـق ام سـور لاحلـى مـن جهاتو وطرانـي نبيـا جميلـه ذاتــو
ابو ابـرهـيم شـافـع الـعـصـاة يـجــود عـلــى الله بـــي لـمـاتـو
الرجال عنت وعبيت مسوراعلـى المدينـة العاجبنـي سـورا
نهمـل الساحـه والبـذورة إن شـاءالله قـبـل المـمـات نــذوره
بشـيـر الخـيـر لنبيـهـو غـنـا وفــى الـرسـول حـسّــن المـظـنـه
يوم بدور حضورك نهار زعلنا وسمعنـا بـي موسـي بيـك تمنـا
صــلاة ربــي عـلـى المهـنـا وسـلامـي كالـقـطـر مـالــو ونـــا
عــدد ثـــواب الـفــرض والـسـنـة لـيــك مهــديه قـــول قبـلـنـا

من طرف **العمرابى** الخميس أغسطس 09, 2012 9:56 am

ذكرى مولد المصطفى صلى الله عليه وسلم

طـيـــبٌ عــمّ الكــونَ والأرجــاء وعـبــيـــرُ مـســــكٍ عـطــّـر الأنحــــاء
نـــورٌ أزاح حِـلـكـــة َ الـظلـمـــاء وأحــاط كـلَّ الكائنـاتِ بهالـةٍ عـصمـاء
بـُـشـــــرٌ تـُزفّ ُ داخــل البطحـــاء بـشـــريـعــةٍ واضـــحـــــة ٍغــــــــرّاء
مـقــرونٌ إســمُـهُ واضـحٌ بجــلاء باســــم ربـِّـهِ فـي الطـِّبـاق ِ ســــمــــاء
محمّـدٌ صـلى عليـه اللهُ في الآنـاء أحـمــد المصطفى طـيـــبُ الأســـمـاء
أتــى الـوجــودَ بلوائــح ٍ سمحــاء وسـمــا بالعالميـــن لـقـمــّـةِ الـعـلـيـاء
ونــبــذ كـلَ تــفـــرّق ٍ ومــــراء يا خيــرَ خـلــق ِاللهِ نحـنُ بــك السعـداء
زال الضّــلالَ وعـمـّتِ النعمـــاء أضـــاءَ الدّجــى وانكشـــف كــلَّ بـــلاء
صـرنا خيـرَ أمـّةٍ في الأمّةِ جمعـاء نأمـــر بالمعــروفِ وننهى عن الفحشـاء
جعـلتَ لنا الد نيـا تـفانيـاً وعطـــاء ودارَ نـعــيــــم ٍ بـعـــدَهـــا وهــــنـــــاء
الفضـلُ بالتقـوى والكلُ فيها سَــواء رسالتــُــكَ خـاتـمـــة ٌ تــشـِــعّ ُ ســنـــاء
فـي كـل ِ حيـن ٍ تأتي لنا الأنبـــــاء بـمعـاجــــزَ حـــار لـهــــا العـلـمـــــاء
وحـوضُــك المـورودُ يسقي ظمـاء وشـفاعَة ٌخـُصّـت لك لاترجوعليها ثـنـاء
مـولـِـدُك زاد الـوجـــودَ بـهــــــاء وأجـلـيـت بــه الـبـصـائــرُ العـمـيــــــاء
أتـيــتـَـنـا بــِذكـر ٍأزال كـلَ عـنــاء ودحـضَ الـكـفــرَ والإلحـادَ والبغـضــاء
محفـوظ ٌإلى يـوم ِالحشرِوالإحصـاء في لــــوح ٍمـُيـســر الـذكـــر ِللــقــــــرّاء
ضمنت الظبيَ كي ترجـع إلى الأبناء سلم عليك الضـب وأشتـكىالبعيرُفي الصحراء
وســـمـِِعَ الجنُ وحـيـَـك بجـــــلاء ومســــراك كــان حـقـّـاً بــلا إيـحـــاء
لســاني بمدحِـكَ أبلـغُ الفصـحـــاء ويــزيــــدُ فـي الإفـصـاح ِ عـنـه بـُكـاء
لي فـيــك حُبّ ٌ يُعجزُالحكمـــــــاء وصـبـــابــــة ٌ تــشـهـد لهـا الأعـضــاء
الـعِـشــــقُ يُـذهـبُ هـيبة َ العقــلاء ويــظـــلّ ُ ســــــرًا كـامـــن الأدواء
عِشقـُكَ فاضحي وما بحالي خـفـاء لكنّي بعـشــقـِـك أشــــرفُ الـشـرفـــاء
سـُـهــدي ودمعي وكـلـّي رجــــــاء أول شهيـــدة تبعث في زمرة الشــهـداء
نظم الفقبرة إلى الله وشفاعة رسول الله

من طرف **العمرابى** الخميس أغسطس 09, 2012 10:00 am

ياوافر النعم
ياوافر النعم صلي علي النبي هادي الامم لسائل مابرم
يوم موضع الحجر الاعظم نشب الخلاف بانت لعقة الدم
محمد الامين خير الحكم راجح العقل كامل سمح الحكم
حجب وكفي الناس شر الدم قضي بعدل وفهم قط ما ظلم
خمسين ربيع هله وحزم بمولد المصطفي الخير هطل رزم رز
نبيا خاتم الانبياء صلاه بهم واام كسائرهم رعي الغنم
حليم ورحيم متواضع واكرم للجار والقريب والبعيد ما شتم
خصاه الله الخبير العظيم بالمثاني السبع ونعم النظم
كساه بالانوار والتاج عمعم يوم الحشر للجنات متقدم
صحابته الصديق بالسرما اتكلم عمر الفاروق فارسا ملجم
عثمان تالي الكتاب وبحر للعلم علي الكرار سيفه قاطع للعدو والجمجم
ربي زيدني في حبهم والتابعين واتباع التابعين وعم
حمد النيل مشي علي ساق وقدم في الحضره جالس علم
الصلاه والتسليم عليهم عدد الملائكه والانس والجن والعجم
عدد ماجرا وكتب القلم الحرف والكلم الشده والسكون والرفع والجزم
تصل النبي الاكرم في الحرم عماد الدين في حبك يزيد وينسجم
ترضي والـدي وامـي والخال والـعـم والمـسلمـين جـمـيعا في خير ونـعـم
اخلاق الصوفية : لاينطقون عن الفحشاء إن نطقوا ولا...رون أن ماروا بإكثارِ

من طرف الموج الازرق الأحد أغسطس 12, 2012 3:05 am

تسلملي ياخال على مواضيعك

الشيقة والممتعة والمفيدة

داوماً على هذا الاداء الرائع . وفقك الله

من طرف **العمرابى** الإثنين يونيو 10, 2013 8:12 am

نعم نعم القام منسرق
زار محمد خير الخلق
يا كريم الحال يتفق
والسان ينطق بالصدق
نذكرك كونك مستحق
الحمد فضلك منبثق
بابك المفتوح ما غلق
ونسألك تيسير الرزق
القلب يا حنان يرق
للرسول بالشوق والعشق
اثني بيك يا نبي الشرق
يا محمد خير الخلق
طه بن عدنان يا حذق
في الوجود قبل ادم خلق
الامين الما بتحمق
حاشا نبي الله ما زمق
وجهو عند الجود ينطلق
ويكرم الايتام بي رفق
وصفو واصل ما بتلحق
كم شحن في بحورو وغرق
حسنو في النبيان باقي شق
ومن جمالهو يوسف فرق
كان بين الناس ان عرق
منهو زاكي الطيب يتعبق
نور جبينو الباهر يبق
وحين يفر تبسيمو البرق
البعير قال جيت منسرق
يا محمد داير العتق
بالعطش والجوع منصفق
حلا سار مسرو منطلق
الجذع يبكي ويتخنق
بالحسار والشق متقلق
البكار قدام الخلق
لي رسولكم جات تنصبق
الكرام فرسان الزرق
ضربهم تب تب مو فلق
آل خيبر راسهم زلق
جابم الكرار في ربق
قلبي طال بالشوق متحرق
نيتي فيكم قولاً صدق
راجي ربي الحال يتفق
ونحن وانتم ما نتفرق
يا الرسول لم ناس الشرق
والغرب وابدوم لا سلق
خوة الاسلام حر و رق
يا كريم في الجاه نندلق
قال بخاف الماحي السحق
وفي الفساد والعيب متخمق
لي ذنوباً وازق وزق
ويا الرسول فيكم معتلق

من طرف **العمرابى** الإثنين يونيو 10, 2013 8:14 am

فوق سديس لزيارة السيد ياجليس نيتى قبل الموت
ياعليم بالمخفى الدسيس يا امان الخوف يا انيس
نيتى فوق مكلوفا سديس لزياره سيد اويس
ثانى جبت القول بتفريس للرسول مشهود ما دسيس
ينسبق كالدرالنفيس كيتين للكافر التعيس
يوم نهار مكلوب الشمس والامم واقفى محابيس
جاء الرسول سيد موسى وادريس
المرقى غالى الجنس المقدس سر وتقديس
للرسل والنبيان رئيس فى جنات الفراديس
السوا الكنز الدسيس معجزاتو كثار مالا قيس
ان مرقب الوادى اليبيس ليهو تلك الحين يبقى ديس
قلبو فيهو الجود مغرس كفو كان للعطى ما بيقيس
المنير فوق ابا قبيس خرشافو الغالى ورخيس
جبر المكسور بالمسيس وفتح العميان بصرو ليس
النبى كان يبارك الزاد باللمس ويرحم العدمان ومفلس
اب جهل منعول قولو بيس الشقى الكلب المطيميس
ضل هو وقومو المعاكيس ودرم غشاهم ابليس
مرحب الصديق الجليس قام عمر بى رايو السديس
والحبر عثمان للدرسو للشدايد كرار عريس
ستاتم للرؤؤس دواويس قامو دينن ماتحانيس
ربى الم سته وسبعه كيس واشرى جملا كبيرى تيس
جانا بابور تالا السويس بى رواج نكرى الواويس
فىالشروق امره غير هلس قابل البدوان المعيس
امشى اشوف حرمو اب حراريس عند ضايف ليلة الخميس
جيه الاخوان لامويس الغرب وام دوم والرويس
قال بخاف الماحى الماحى تجريس من نكير وضربو اب فراديس
صلاه وتسليم مالا قيس بعدد علم الله النفيس
عند رقيب تكتب كراريس وتمحى سيئات المراريس
فوووق سديس لى زيارة السيد ياجليس
نيتى قبل المووووت

من طرف **العمرابى** الإثنين يونيو 10, 2013 8:15 am

الحجاز فيهو البريدو
الله يدني لي بعيدو
*^*^*^*^*
بادي بي الله القصيدو
بي الكريم ربي المجيدو
حكمو جاري على عبيدو
جل يفعل مايريدو
*^*^*^*^*
بثني بي النبي البريدو
العظيم عند الله سيدو
فيالقيامة نهار وعيدو
و الله سووا الريسة في ايدو
*^*^*^*
سيدي يوم الهم شديدو
كفو يطفي النار بعيدو
خيرو لي المخلوق عديدو
جاهو عم الرسل هيدو
*^*^*^*
صادقاً في القول رشيدو
ومن مجالسو يستفيدو
فايق القبلو ونديدو
والخصيم يكوي و يكيدو
*^*^*^*
الوحوش في البر وصيدو
و الطيورتالفو و تريدو
النخيل شال مستقيدو
تاق و ميح بي جريدو
*^*^*^*
النبيالمصباح بريدو
للجنان مفتاح بريدو
سيدنا يا مداح بريدو
قوموا ليهو الراح بريدو
*^*^*^*
سيد الأملاك بريدو
شافع الادراك بريدو
قبرو في أم شباك بريدو
يا الامين قوماك بريدو
*^*^*^*
سيد الوراق بريدو
نورهو البراق بريدو
فيˇ قيد مشتاق بريدو
حلو يا خلاق بريدو
*^*^*^*
شوقو جالب الناس بريدو
من صليح دار الصعيدو
حرك الزول من بليدو
يفرق الابو من وليدو
*^*^*^*^*
رب سألك يا مجيدو
نيتي اجلس في مسيدو
امشي شوف شباك حديدو
في المدينة اوافي عيدو
*^*^*^*^*
عبد الماحي البليدو
خايف الموت الشديدو
يالرسول احضر وعيدو
خت يمينك فوق وريدو
اخوتي الهنا والبعيدو
من عرب حاج لي اب سعيدو
اكرم الخير حبو زيدو
و الامين فوق حقو زيدو
*^*^*^*
الصلاة بلا و عديدو
و السلام كل حين يزيدو
عد ما علم المجيدو
للنبي الحباهو سيدو

من طرف **العمرابى** الإثنين يونيو 10, 2013 8:15 am

من مكه سارى للبريدو شوقى وحسارى
***
ياربى البارى ليك أفتقارى شوقى وحسارى
جود ياغفارى دوبا ومحص لوزارى
***
ثنيت مسدارى فوق الخيارى
يومانكسارى النبى أحمد جبارى
***
ليل يوم السكارى وكمان شابو الصغارى
كنزالدخارى النبى لينا بيضارى
***
ليل عند الكبارى وكمان أهل العبارى
وجهه وقارى النبى يغفى النهارى
***
لينا ماحى الوزارى وكان للغيم يبارى
نطق الجدارى وكمان صم الحجارى
***
ليل من مكه سارى وكمان شاف ناجى البارى
ود الفخارى النبى حاز وأستخارى
***
لينا قال البخارى النبى ركب الحمارى
يسعى ويشارى وكمان خاطبي الإبارى
***
ليل من شدو شارى كمان عتق بدارى
شق الغفارى فات البحارى
***
ليل نمرق نكارى وكمان عرب الشبارى
نحرم منارى وكمان أبرد حسارى
***
ليل الماحى طارى وكمان خايف الوخارى
قول أنت بارى النبى من أمشرارى
***
ليل مدحك تجارى وكمان شغلى وكارى
لولاه حارى وكان مقطوع خبارى
***
ليل صليت لسارى وكمان تسليم جارى
عدد الاقطار وكمان موت البحارى

من طرف **العمرابى** الإثنين يونيو 10, 2013 8:16 am

فوق مطايا اسرى الليل لحجايا
العاجزين العرايا
عدمانين السعايه
قول ببركه حجايا
وصارت ناسا غنايا
تلك الحين للغلايا
لز الغيث السمايا
انت الساس والبنايا
انت الظل والغطايا
انت صباحى و مسايا
دافع الشروالبلايا
وللاسلام باقى تايا
ياطبى ويادوايا
ياقوتى وياشفايا
وكابى وشدة قفايا
ياحرزى من الازايا
بيك الله اراد نجايا
فى مقصودى ونوايا
اسرى الليل فوق مطايا ا نشاء الله انزل والقى الرمايا
شرقى المرمن بدايا
فى وبان الضحايا
فرض الحى نقضى غايه
اقدم لى يثربايا
ولى مروادالعمايا
سرقلبى ونور ضيايا
شوفتو بتبرد حشايا
جاب الماحى النهايا
عبدفاعل الخطايا
جيت واقع بالمعايا
بى والدى وجنايا
وجيرانى ونمسايا
والاخوان واصحبايا
والاسلام جمله غايه
قول الكل فى حمايا
الصلوات ايه ايه
والتسلين عد دمايا
عدريح الصيف والشتايا
عدالحب والنوايا
والبتا والشرايا
والمرمدوالسنايا
والحنتوت والارايا
والعيش والسعايا
صنف الطير للقطايا
مافى الارض والسمايا
علم الله لانهايا
ليك ياخير البرايا
اقبلا ورد لى جزيا
للمحبوب فوق مطايا
اسرى الليل لى حجايا

من طرف **العمرابى** الإثنين يونيو 10, 2013 8:16 am

ياماشى للشروق شيل لى السلام مطبوق
كان قيدى مُو مغلوق والله ناوى اسوق
****
بسم الله ياشفوق ياخالق الخلوق
يسرلنا الرزوق نجمع لنا حقوق
نقوم نحادى النوق نحملن علوق
عمودنا يمشى روق
نقيم الليل نسوق نسريبا للشروق
****
اثنى الكلام مطبوق للصادق المصدوق
القلبهو شفوق الزال لناالمحوق
المسخى والفسوق الكفهو مطلوق
ما كنَّ لى حقوق
كان بابو مو مغلوق للسايح المريوق
****
فى الحرى والواقوق صافى الخلوق روق روق
شاخصة العيون لافوق يجرى العرق سبلوق
ضجت وقاف السوق العاصي صاح مغلوق
النار لسانا توق
جاه اب علامه يحوق
لولا العلينا شفوق والله مافى مروق
****
الجسمهو معبوق فوق الدلال مدفوق
تبسيمو كالبروق على البدر يفوق
يكيل صبى الموق العزو مو ملتوق
صاحب هديه النوق
سيد البراق ام طوق ياخوى عليهو الشوق
****
اصحابو ماهن جوق فرسان تنادل العوق
صديق مع الفاروق عثمان الوفا يسوق
الليث على المذموق ملاّكا جابا ربوق
باعن رفيق فى السوق
الطير كبود وحلوق قط ما صبح مريوق
*******
يا اخوانى طال الشوق يبكى المحب معشوق
فاتوا الرجال بى فوق سايحين لباسا دلوق
قيد اللبيب مغلوق صايبو الكسل موثوق
عازم يدورلو مروق
يارب يكون مطلوق
سيد المدينة ام سوق عن بابو اقيف واتوق
****
الماحى يامحموق فعلك جميعو فسوق
دينك ضعيف متلوق حالك عليك مسروق
ان كنت ماك محوق ليش ما بتحادى النوق
قاعدعلى ام فاشوق
للسخرة والماروق
سَوْ مدحو ليكَ مَتُوْق ان كان تسير معتوق
****
بختم صلاتي تفوق ثم السلام مطبوق
كالطيب عبيقو يفوق عد الزرع والسوق
****
ماقام غروب وشروق الطير قطا وغرنوق
لى شافع المخلوق واصحابو جمله تحوق

من طرف **العمرابى** الإثنين يونيو 10, 2013 8:17 am

متين يا عاشقين نحدا الجمال
على بلد النبي العتق الغزال

بديت بي ربنا النافي المثال
طرح للارض راسيها بجبال
رفع سمواتو سبحان ذو الجلال
العدم يا باقي في حقك محال

ثنيت بالاسمو ميم حا وميم ودال
قرن بي اسمو في اسم الجلال
على الرسل اجمعين ميزانو مال
يفوق داؤود ويوسف بالجمال

وضع في مكة من نطفة حلال
مركب فرعو في الناس الوصال

عفاف اماتو وابواتو الدلال
ليوث الحرب فرسان القتال
طاهر المنكبين طيب السلال
واعذب ريقو احلى من الزلال
مفلج سنه اصفى من الريال
وفر تبسيمو برقاً لاح وشال

نبياً حاشا مو سلطان كيال
نبياً لا ظلم لا فل مال

غير ذكرالله ما عندو انشغال
ظهر شاع دينه للسد والجبال
عرج للحجب داسن بالنعال
وذات المولى شافو على الكمال
ناجى الباري محمود الخصال
خطب واتانا باحكاماً عدال

صحابتو الجملة ما فيهم خيال
يسوقو الحافلة في خيلاً قلال
يهينوا المشركين اهل الضلال
يهدو اصنامم العبدو الهبال

نسيم القبلة هب لي شمال
شغف عقلي بقيت ما في بال
طريت يا اخواني نخلاً مو طوال
شراهو وسوقو لينا ان شاء الله فال

متين يا عاشقين نحدا الجمال
على بلد النبي العتق الغزال

نشوف ام قلة كيف براقا شال
نجلس الروضة واركانا الظلال
طلع نباهو في موضع بلال
شهر اذانو فسر فيهو قال

حضر الوقت قربو يا عيال
تبين ام قلة تضوي كما الهلال

نزلنا بجدة والربان قال
يقرب جملة الفي ايدو مال
مشرع لي مصاريها ام حبال
سواكن جينا بي بهجة ودلال

يقول الماحي يا صادق المقال
بخاف الموت واملاك السؤال
وقيع بالخوة والوالدين وخال
معاك سكنا في جنات بلال

بعد الابل والخيل والبغال
والطواف والحج علي عرفة ام رمال

من طرف **العمرابى** الإثنين يونيو 10, 2013 8:17 am

صلا وسلام لى محمدا *** خاتم الرسل سيدي أحمدا
يا لساني قول الله واحدا *** حاشا لم يلد لالُو والدا
واجب الوجود باقي مفردا *** أنفى للشريك عَنْه وأبعدا
مالك الملوك سامع الندى *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا
نمدح الرسول ديمه سرمدا

أثني بالرسول المؤيدا *** التقي الرؤوف الممجدا
كامل الخصال والمحامدا *** صاحب الِلواء وصاحب الرِدا
ليلة الولود خَرّ ساجدا *** طاهراً نظيفاً مُبرّدا
مكسي بالجمال وجهو يوقدا *** أفلجاً كحيل غير أثمدا
حاجبو كالهلال قارف النِدا *** نورو بَقّ في الكون ضوّا من بدا
فاق على السما حتى أصعدا

هب ريحه فاح طيبو عامدا ***زالت النحوس لينا بعدا
خيط الفتوك جملة سددا ***أصلح البلاد سيدي وأرشدا
الملائكة جاءت طائفة أحمدا ***غنت الحسان عامري المدا
كونه في قريش سيد وسيدا*** ابن عبدالله آمنة والدا
وأرضعت حليمة الله اسعدا*** يالساني جيب قولي وانشدا
لي المولي لي الرسل قائدا

خابت النجوس نارا أخمدا*** كسري طاح سناماتوا هددا
نهر ساوا غاض كي للعدا ***انتحب ابجهل خشمو لكدا
الشقي التعيس فعلو فاسدا*** مابي للرسول قلبوا حاسدا
كم من القصص شاف وشاهدا*** يوم رمي البعير قام مذاودا
ويبكي بالمقوص المرمدا*** سوي في القلب راح مكددا
اسفل الدرك ليهو مقعدا

طه من صغير عقله جامدا*** جودوا وابلا ما محددا
ان لقي اليتيم ما بينكدا*** يرفي للعدامي ويسندا
جاهو لا قصيف ولا محددا*** كونو في الرسل حظوزائدا
يوم نهار نقيف تاجو باردا *** يرغم الرسول لينا بالفداء
رب قالوا خذ يا محمدا ***الشفاعة ليك وأنت سيدا
زينة الجنان بيك موعدا

طاهر الأكفاف يا محمدا *** كامل الأوصاف يا محمدا
أنت أبي الاشراف يا محمدا *** سيد الأمة كاف يا محمدا
نورك الرفراف يا محمدا ***قلبك الراءاف يا محمدا
تَرجِب البخاف يا محمدا **** ليلية الوٌقاف يا محمدا
للكرب كشَّاف يا محمدا *** السلام أرداف لى محمدا
مِنّي ليك آلاف يا محمدا

حابّك الجليل يا محمدا *** نخبة اسماعيل يا محمدا
أنت خير الجيل يا محمدا *** صاحب الخليل يا محمدا
سيد لِوى الإكليل يا محمدا *** وجهك الجميل يا محمدا
خدك الاسيل يا محمدا *** طرفك الكحيل يا محمدا
شرعك العديل يا محمدا *** حاشا ما بتيميل يا محمدا
جيتنا بالدليل يا محمدا *** ليلة الزِلْزِيِل يا محمدا
يا التخمْد الويل يا محمدا

الجذع بكا لى محمدا *** جَاز وانتكا لى محمدا
الجماد حكى لى محمدا *** والبعير شكا لى محمدا
جَلْ ربَّكا يا محمدا *** عَلّا قدرك يا محمدا
أين مثلك يا محمدا *** الرُسلي سابكا يا محمدا
وافي وعدك يا محمد *** وافي عهدكا يا محمدا
ما في بعدك يا محمدا*** ضاوي وجهكا يا محمدا
فاق جمالكا يا محمدا*** المباركا يا محمدا
لينا أدركا يا محمدا

الجِذع رزم لى محمدا *** جَار بالبرم لى محمدا
الجمال نظم لى محمدا *** لا لسان لا فم لى محمدا
المُنير قَسَم لى محمدا *** خَرْ وانقسم لى محمدا
القَصِير أب دم لى محمدا *** قاّلو فيَّ ثم لى محمدا
ذلك الأصْم لى محمدا *** إن وِطاهُو جَمْ قول محمدا
كم وكم وكم لى محمدا *** لا عدد لا كم لى محمدا
طاهر القدم يا محمدا *** اللَّى الرسل ختم يا محمدا

صمة الكرام راية عاقده *** صاموا للعمير في المجاهدا
سيدي الصديق بالنبي اقتدي*** قام عمر في الدين بي مواكدا
سيدي عثمان للثقيل لدا *** برز الكرار سيفوا جردا
ابن طالبا ما بيراودا ***غزا قارحة في الريشة جودا
ولع الفرسان ضربو شردا ***جنزر الملوك هانا قيدا
طيع الديار لينا بردا

مرحب العدول المعاهدا*** سيدي الزبير وطلحة الهدي
ناس سعد وسعيد ابا عبيده ***سيدي ابنعوف روحو زاهدا
سيدي الفضل باقي جيدا ***سيدي العقيل المجبدا
سيدي المقداد ابن الاسودا ***الامير ضرار الموحدا
همزه والعباس نعم خالد ***ان لقي الخيول ما بهاودا
بشتن الدروع رمحوا قددا

جالب الرجال من صعايده *** هملو العقاب جات مشققا
تبكي بالدموع شوقو هردا ***نعم ياالنوي وللجمال حدا
هجرة القصير نوقو وردا*** بلج الحمول بارا من بدا
ليتي في الشروق ربي اهاودا ***نسري بالغفار ليهو قاصدا
يوصل المدينة ام فوائدا ***ينظر المقام المجددا
واجه الرسول والكرام حدا

الماحي ليك يقول يا محمدا*** عندي نية فيك وربي شاهدا
بالجهر والسر ليك رايدا*** ناوي لي زيارتك مقيدا
ناوي قبل أموت ليك اعاودا ***اصبا ذاك مقامك واشاهدا
وابلغ المراد والمقاصدا** بشكي للاخوان داير الفدا
جنة النعيم لينا مخلدا***ونكسب الحسان عين ونهدا
سالبلة الشعور سمحة اليدا *** نايرة الجسوم المزبدا

الصلاة وسلام ديمة زائدة ***الصلاة وسلام ديمة سرمدا
الصلاة وسلام مومعدده ***الصلاه وسلام لي محمدا
طه ثم يسين واحمدا ***الوسيلة محمود وحامدا
بي عدد نباتا يفرهدا *** حين طوي النخيل عشبه وددا
مارزم سحاب كر والعدي*** عدد فضائل الموالدا
وعلموا ربي من نوروما بدا*** ترضي للرسول تكفي للعدا
يقبلها الكريم بيها نسعدا

الأحد	الإثنين	الثلاثاء	الأربعاء	الخميس	الجمعة	السبت
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

مدائح اولاد حاج الماحي

مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي

رد: مدائح اولاد حاج الماحي