اغاني محمد احمد عوض

من طرف الموج الازرق الثلاثاء أغسطس 14, 2012 5:46 am

"سالَم الناس"

*****
سالم الناس إلا لي ما مدّ إيدو ماهو عارف ماهو حاس كيفن بريدو...

*****
كنت بفتكر الظروف لو يوم تجيبو.. يطرا زولا شوقو ياريت كان يصيبو..

كنت عشمان قلبي ما يزود لهيبو.. إلا يظهر ناوي جمر الصبر يزيدو...

*****
ما ده حالو ما ده طبعو الكنت عارفو.. الغرام خلى القلب يهواه ويوالفو..

الغرام حكم منو البقدر يخالفو.. والقلب إخلاصو باين ما بفيدو...

*****
يا حليلك يا الغناوي العنو كانت.. يا حليلك يا الأماني العندو بانت..

ما بقول دي القسمة أو أيامي خانت.. بس بقول انشالله يعرف كيف بريدو...

من طرف الموج الازرق الثلاثاء أغسطس 14, 2012 5:46 am

"القلم طاوعني تاني"

*****
القلم طاوعني تاني وقلت أرجع للكتابة.. أصلي مشتاق لي عيونك بلدي يا وطن الطلابة...

*****

انت ولدك كان بعانخي العلم الناس الحرابة.. انت تاريخنا المدون بدري من زمن الصحابة...

*****

أسألوا الخرطوم بتحكي لما قوردون احتمابا.. لما مهدي الله جاهو خلفو ناس شايلين حُرابة...

*****

كانوا لابسين المرقع وبالحراب سوها غابة.. شدة الموت ما بريدو التقول بينم قرابة...!!

من طرف الموج الازرق الثلاثاء أغسطس 14, 2012 5:47 am

"يا الرقت في نظري"

*****
يا الرقت في نظري هل تدري مين انت أذهلت أفكاري وأسهرتني ونمت...

*****
من يوم نظرتك ولي بي نظرة تألمت.. لعوني سريت ولي قلبي ألّمت..

زي لادن الأغصان في مشيك تقسمت.. شفت البروق لمعت لمن تبسمت...

*****
أحداب قلوب الناس فيهن تحكمت.. خضعت لقهر هواك وعلى عرشهن قمت..

حطمت كل خطوط صبري وتقدمت.. ختيت سلاحي أمام عينيك وسلمت...

*****
فشلت سيادتي معاك مهما تفنّنت.. في طلاقة الأسلوب ولكلامي حسّنت..

أفقد شجاعتي لديك ولي ضغطك أذعنت.. كم مرة ليك بي ولاي واخلاصي أعلنت...

*****
بجازي فيك بالحب الفيك آمنت.. آمنت بيك يا وجيه وأنا عمري ما خنت..

رفقا بمن يهواك بالله يا انت.. لا زلت تأذيني وأقولك أحسنت...

من طرف الموج الازرق الثلاثاء أغسطس 14, 2012 5:47 am

"غيم المحبة"

*****
قولي يا غيم المحبة.. هل في يوم حسيت بغربة..

هل دموعك زيّ سالن فوق خدودك حبة حبة...

*****
غايتو بوصيك يوم رحيلك يعني قبل الريح تشيلك ..

أغشى في دربك أهلنا والنخيل والنيل قبلنا..

والسواق الديمة تغزل فوق جروف النيل فرحنا...

*****
قولّوا درب الليل وهود.. يزرع الخير فوق أرضنا..

أحكي ليهم عن حناني.. شايلوا في قلبي المعنّى..

أصلي حبيتك عشقتك.. يا بلدنا في غناوينا ونشيدنا...

في رسايلنا وبريدنا.. في البنية العايشة ريدنا..

يا بنينة ويا حريرة.. يا رسم حنة وجديرة..

يا مقاطع من مهيرة.. يا رهد يا عاج مزنّد..

فوق ايدين سمحة وصغـــــــــــــــــــــــــــيرة...

*****
لو علي أرفع عظمتك فوق جدار الكون نشييدا..

قبلي تاجوج والمحلق فوق ترابك عاشو ريدة..

والخليــــــــــــــــــل في هواك غنى خلّى قط للناس قصيدة...

من طرف الموج الازرق الثلاثاء أغسطس 14, 2012 5:48 am

"ليك حق"

*****
ليك حق ما تحني لي.. وانت في دنياك ديّ...

ليك حق حاشاك ملامة.. ولو ألوم اللوم عليّ...

*****
ليك حق ما دمت طاير.. كل يوم لي فيك جزاير..

والطيور ترحل تغني للربا أو لي الأزاهر..

انت لي قلوب تسلبيها لذة الريد والمشاعر...

*****
هل صحيح حبك سحابة.. تكره السحب المواطر..

تأتي في الصيف ثم تفنى زي خيال أو حلم عابر..

أم صحيح راي أصدقاي انت بتحبي المظاهر...

*****
ليك حق ما كنت لي.. في كتيري أو في شوية..

قلبي كان سلمتو ليك زي شعار.. أو زي هدية..

أصبح اليوم رمز غدرك قلبي أصبح ليك ضحية...

من طرف الموج الازرق الثلاثاء أغسطس 14, 2012 5:49 am

"لو سألتك إيه سبب الخصام"

*****
لو سألتك إيه سبب الخصام نسيتي حبي ومنعتي الكلام...

*****
قللتي صبري وجافاني المنام.. محروم كيف أشوفك يا أول غرام...

حنان ومودة ليك هديتا والدنيا الجميلة بدونك أبيتا..

والمحنة معاك من قلبي اشتهيتا.. أرازي قربك وبعدك لي حرام...

*****
وقلبي المعاك ذاب بيك من زمان.. ويبكي ويغني وبس راجي الحنان..

ويبكي ويغني وبس راجي الحنان.. يا هاجر سنيني وين عشرة الزمان؟..

من طرف الموج الازرق الثلاثاء أغسطس 14, 2012 5:49 am

"الرشيم الأخضر"

******
الرشيم الأخضر في الخديد الأنضر هم سبب آلامي...

*****
فكري أضحى مبعثر.. من غرايب سحرك من عيونو الفُتّر..

حكمة لو يتمايل .. أو سفر وتبختر..

إيه بثينة وعزة.. إيه عبيلة عنتر.. أهو حسنو أمامي...

*****
مين سواك يتجسّر.. وفي فؤادي وحسنك ليهو عامل سنسر..

قلبي بيك تأثر.. فيهو حبك أثر.. نوم عيوني تعسر..

من كثار لحظاتاك..حظي أضحى مكسر.. يا رفيع يا سامي...

*****
والسحاب ما أمطر.. أروى ساحة ربعك ومن شذاك يتعطر..

ما تغزل شاعر.. في محاسنك وسطر..

هاك سلامي الخالص.. يا جميل يا مبطر.. وليك جزيل إكرامي...

من طرف الموج الازرق الثلاثاء أغسطس 14, 2012 5:49 am

"نغيم فاهك يا أم زين دواي"

*****
نغيم فاهك يا أم زين دواي...
شفاي البجبر قواي...
يا أم حبا ردف تواي...
كمل صبري وزود هواي..
رقي رقي جودي بدواي..
ظمأي بعدك وقربك رواي...
أقيم ليلي وأحسب سهاي...
يغيب عقلي وأفقد نهاي...
وفي جسمي ظاهر وهاي...
أسعفيني دنا انتهاي...

*****
ذكرت البين ليه ياغراب...
صياحك يافراق يا خراب...
ديار أم زين كانت قراب...
غبن بانن في السراب...

*****
البدر محيك وشعرك كليل...
يميل خصرك منه العليل...
تقل ردفك لأعضاك قليل...
قتيل حبك ودمعي الدليل...

*****
رق جسمي وصابه انتحال...
على حبك حمل الرحال...
ومن بعدك أنا حالي حال...
يالقمرة وصالك محال...

*****
أنا أعيد الحب من جداد...
أنا الحافظ حق الوداد...
أنا الهائم والناس شداد ...
أنا اللابس توب الحداد...

*****
أنا الكاتم السر ما حكى...
أنا الحاضن البلا ما أشتكى...
أنا الحجة بحل مشبكا ...
أنا المساح دمع البكا...

من طرف الموج الازرق الثلاثاء أغسطس 14, 2012 5:50 am

"عشمتيني في حبك ليه"

*****
عشمتيني في حبك ليه ما دام ناوية تجني عليه...

*****
وببسم في عيونك ديمة.. وأهديك كل يوم ترنيمة..

وأوقد روحي ليك نديمة.. يا حالمة وحنونة حليمة...

*****
بقارنك بي نجوم الليل.. والبدر الظهر في الليل..

والبرق البعقبو السيل.. وألقاك أحلى من كل ديل...

*****
ومهما قصدك تزيدني ألم.. أحب حباًّ في قلبي ألم..

وأعشق صبري ما بندم.. ما دام زولي البريدو حكم...
[b]

من طرف الموج الازرق الثلاثاء أغسطس 14, 2012 5:51 am

"ياريت يا حبيبي"

*****
ياريت يا حبيبي ياريت تبقى لي.. وتكون من نصيبي وأنسى المر بي...

*****
حبيت مرة جاير اتنكر علي .. وصادفت المحبة ياريت كان مال إليّ..

رضيت أبقى ليهو ما دام راضي بي.. لكن ضنّوا بيهو وأبوا يدوهوا لي...

*****
بكيت مرة تاني من دهري وزماني.. وبقيت في حياتي ما عارف مكاني..

لو أعشق غلطّ كان حبّاني جاني.. تتوالى الليالي وتشرب من حناني...

*****
في جنح الليالي وسابح بي خيالي.. لاقيتك منور ومتفتح حيالي..

بسماتك تضوي وجبينك يلالي.. أو شخيصتك عظيمة وانطبعت في بالي..

من طرف الموج الازرق الثلاثاء أغسطس 14, 2012 5:53 am

فاكرك معايا

انا فاكرك معايا حبيبى فاكر ك معايا
تسعد بسعادتى وتشقى عشان شقائى
انا فاكرك معايا وانت مع المظاهر
ماراعيت وفائى وظلمك لى ظاهر
كنت فى يوم لقائى فرحتك التظاهر
واليوم التصنع فنان فيه ماهر

ديمه عشان رضاك انا باكى بشجونى
ماراعيت ضنائى وبلوائى وشجونى
سهرت الليالى سليتنى سلبت عودى
باب غفرانى فاتح ليك لو عدت عود

تسمع كل واشى قوله عليك اثر
عاد فى زول صديقك اتوارى وتدثر
بعد ماكنت لينا احساسك تبعثر
نحن يانا نحن نخلص ليك واكتر

عود لى عش هنانا عشنا اولى بيك
كل الفى رحابك ابدا حانى ليك
كل الناس بتخطى مابحمل عليك
عود خلينى واصل ماتفارق عينى عينيك

من طرف الموج الازرق الثلاثاء أغسطس 14, 2012 5:53 am

عندي كلمة

عندي كلمة أحب أقولا عن مصيري وعن مصيرك
إيه كسبتي بعد فراقي بالألم اتعذب ضميرك
ما لقيتي بلاي سعادة وما قدرت أحن لغيرك

انتي لو ضحيتي زيي في سبيل مبدأ وفكرة
لو وقفتي تشدي أزري لما كانت عيشتي مرة
كنا نتخطى المصاعب ننتصر في العمر مرة
بس هجرتي تركتي قلبي بي جفاك بقيتو جمرة

ما صبرتي معاي شوية ما رضيت أتخلى عنك
كنت أقوى من الأعادي أقوى من شكك وظنك

احتفظت بي وعدي ليكي ما التزمتي بكلمة منو

دي النهاية بقت خصومة اشكي ظلمك واشكي همي

من طرف الموج الازرق الثلاثاء أغسطس 14, 2012 5:54 am

رغم بُعدي

رغم بعدى برسل سلامى يحوى شوقى وكل إحترامى
** **
رغم إنى بعيد فى مقامى أنت برضه مثار إهتمامى
أنت فجرى الماثل أمامى أنت ريدى وعشقى وغرامى
** **
السنين العامرة الطويلة والمشاعر السامية النبيلة
وباقة أشواقى الجميلة كلها بتكفيك عن كلامى
** **
لو أعيش فى الدنيا ساعة ليك أهديها بشجاعة
غيرك اللحظات مضاعة والهموم توقظ منامى
** **
رغم بعدك وبعدى المخير البعاد ما ممكن يغير
لى هوايا مشتول صغير من جهلتى وايام الفطام

من طرف الموج الازرق الثلاثاء أغسطس 14, 2012 5:54 am

مع السلامة

وما تنسي لي ترسلي
يسعدني إنك تذكريني
وعني دايماً تسألي..

إتذكري الريدة الكتبنا
حروفا بي أجمل وفا
وأطري الحنان المني ليك
ساعة جفا وساعة صفا
وإتذكري الريدة الزمان
بيناتنا أطري المعرفة ..

بوصيك انا
لو أنتبهتي في يوم لي ذاتك
وسألتي عن الما أنقضي
ولقيتي في جواي أوصافي وصفاتك
أنا لسة ما سكت النغم
في قلبي من فيض أغنياتك ..

علي أي حال إنشاء الله ما آخر وداع
عشم اللقاء بيك ما أنقضي لو مستطاع
أصلو الحياة بين الأمل والشوق صراع ..
لكني زورق حبي ليك يا غالية ما داير شراع
مع السلامة..

من طرف الموج الازرق الثلاثاء أغسطس 14, 2012 5:55 am

توبة يا احباب

توبة يا أحباب لو غشيت داركم.. بس

كفاي عذاب الضقتو من ناركم...

مُش من الإنصاف تظلموا حبابكم..

الواهبين الروح وضحُّوا علشانكم...

ليه كل يوم بسأل.. أنا كل يوم

بسأل.. وأنشُد أخباركم..

والنسيم عارف.. حالي وأحوالكم ...

بالله يا أحباب بي قلبي رحماكم

قصدتوا نسيانو وهو ما نساكم...

ما بحب في الدنيا إلا إيّاكم

وريتو ايه الحب حبَّ فنياكم...

ياريتنا يا أحباب ما هويناكم

ما عرفنا الحب وما رأيناكم...

يا أطبّاء الكون أشفوا مرضاكم

ديل أحق الناس بي سجياكم...

توبة يا أحباب لو غشيت داركم

بس كفاي عذاب الضقتو من ناركم...

من طرف الموج الازرق الثلاثاء أغسطس 14, 2012 5:56 am

حسدوني في حبك

حسدوني في حبك عزالي من بدري

لاموني غير خبر وجهلوني هل تدري

*****
حسدوني في حبك وجهلو جليل قدري

لكني ما بهتم ما دام رحب صدري

يا جالب الأفراح.. زيد الوشوني جراح

إن قالوا اسمك مين قول ليهم البدري

*****
بُعدك نحل جسمي و قربك جبر كسري

وشوفت ترد الروح وليمك يفك أسري

يا من لقاه رباح.. أنا دمي ليك مباح

بس قولي امتى تبين يا الحاذق العصري

*****
مهما يطول بعدك ومهما يحل زجري

شوفتك ترد الروح وليمك يفك أسري

يا زهرة التفاح.. زاكي وعبيرك فاح.. زي

نفحة الياسمين في طلعة الفجري

*****

أملي وحياة روحي في خدك الزهري

وبيك السعادة تتم وبيك يبتسم دهري

يا من لقاه رباح.. ظاهر بغير ايضاح.. صحي

انت نور العين ما أحلى فيك سهري

من طرف الموج الازرق الثلاثاء أغسطس 14, 2012 5:56 am

يامراكبي

يا مراكبي عدينا.. على توتي ودينا

سوق معاك في الرحلة شادينا

عدينا عدينا.. كان تهنا أهدينا .. النيل

يروي صافينا.. والوادي وادينا

قوم قرب المركب.. خلي الشباب يركب

محبوبنا كالكوكب.. نوّر دياجينا

عزلتنا مكتملة.. وننزل هناك جملة

نتمشى في الرملة.. ونجلس في شاطينا

جلستنا تحت أشجار.. متفتحة أزهار

صوت السواقي نهار.. نغماتو تشجينا

عدينا عدينا.. كان تهنا أهدينا

النيل يروي صافينا.. والوادي وادينا

من طرف الموج الازرق الثلاثاء أغسطس 14, 2012 5:57 am

ايام مرت

أيام مرت وسنين راحت.. وكم ضلينا فيك يا ليل..

ما ارتاحت مشاعرنا.. من الشايلاه والفيها..

وما عارفين سبب ليها ...

*****
لو الآهات بتتألم.. والكلمات بتتكلم .. وتحكي الشفنا فيك يا ليل..

بتتعلم بتتعلم.. بتتعلم مشاعرنا .. خطاوي الريد وتمشيها..

من الأيام معانيها...

*****
ما قايلين نعيش ونشوف.. وننسى أيام زمان والخوف..

وننسى شقانا فيك يا ليل.. وتبالغ مشاعرنا.. لو تنسى البنسيها..

كل الدنيا والفيها...

*****
يا ما ناس كتير أدت.. وبنفس القدر ناس شالت..

شالوا وختوا فيك يا ليل..

من طرف الموج الازرق الثلاثاء أغسطس 14, 2012 5:57 am

ابوي يايابا

أبوي يا يابا ما تقول ليهو لا...

وافق عليهو أنا راضية بيهو.. عليك الله ما تقول ليهو لا...

*****
من زمان بحبو وهو لي حبيب.. ما خان عهودو وجا قالّي خطيب...

قابلو بي حنية وبي صدر رحب.. قولّوا انشالله خير يبقى في النصيب...

عليك الله ما تقول ليهو لا...

*****
يابا أرع بتك وأفرح بي جديدها.. وريدن يابا سامي والدموع شهيدة...

ما تحرم قلوب قصتهم قصيدة.. وقصة حبهم ياخي في الغرام فريدة...

عليك الله ما تقول ليهو لا...

*****
يابا ما تشك فوقو وتدور الشورة.. بتك يابا بيهو سعادتها وسرورها...

ما تحرم فؤادها وما تجرح شعورها.. والخطاب لو بالغوا زادوا في مهورها..

عليك الله ما تقول ليهو لا...

من طرف الموج الازرق الثلاثاء أغسطس 14, 2012 5:57 am

ياراحل بدون إنذار

يا راحل بدون انذار سليتني وأبيتني ولا مالك ولا دي الأقدار...

*****
مشينا وليهو ما غشينا وعارفين حبو ما لينا..

ده سادة وقلبو مابينا نسانا ونحنا ما نسينا...

*****
مساهر الليل وما نايم خيالك ديمة لي حايم..

وبي نار الغرام هايم ياريت السادة لي دايم...

*****
لطيف لكن نفور جافي وظلوم لي حبي ما وافي..

أحبك من ضمير صافي عليك تعذيبي ما خافي...

*****
ده هاجر ومن هواي نافر وسادة وفي الجمال نادر..

هويتك وتبقى لي جاير حليل يوم كنت لي زاير...

*****
جميل يا فرحة أحلامي وديع يا بهجة أيامي..

جفيتنا وكترت آلامي وناسي للهوى السامي...

*****
صفارك زاد لهيب ناري ودلالك حير أفكاري..

أحبك وانت ما داري يا ريت لو تفهم الجاري...

الأحد	الإثنين	الثلاثاء	الأربعاء	الخميس	الجمعة	السبت
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

اغاني محمد احمد عوض

اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض

رد: اغاني محمد احمد عوض