مربعات للحب والجمال

مربعات للحب والجمال

الغـنا والـنـمـيـــم لـيـك ياحـبـيـبــة بسوقو
ودنـديـن الــكــلام جـــوايـا عامــر سوقو
يا روحي وغناي طاوعوني ارسو وروقو
خلوني النوصف زول بــمــوت بي شوقو

آه انــا يانسيـم مشتــاق اقـبـــل ايدا
وبي حنية اقوم اربط عقد في جيدا
بت بت الملوك بهجة سنيني وعيدا
فرشت قلبي حنية وسماحة وريــده

عيان يا طبيب وشفايا فـــي الهالكاني
معسولة البنات البي الحنان غامراني
مـلـيـان بـيـها لـي حد الشقف مالياني
آه انا يا طبيب مـــا ذبت من احزاني

حندكت الــزمـن بي بــسمتك اغريتو
شان ما كل يوم لي احزاني يفتح بيتو
كــوركت ومشيت جواك غناي دسيتو
هـــزيت الفروع صفق الاسف حتيتو

لـــو جـابـو الجـمال جمعوهو كلو يقيسو
بيك يا (الهادله)انتي بـدا الجمال تاسيسو
الناي جاك سرق من فاهك انتي حسيسو
والليل بي ابتهاج اهــداكــي جـدلة ديسو

والله العظيم يا (هادله) ريدك جاري
ما بين الضلوع فتحلو الف مجــاري
الخلاني فوق حسنك نظمت اشعاري
عينيك والقوام والوجنه فيها وداري

هههههههههههههههههههههههههه
مافي فايدة ومافي كلام والله

والله ناقصنا الصوط

جمييييييييييييييييل خالص

خت اناملوا فوق خـــــــدادو ســـالنا البســـــمة
فر اسنانو ذي بــــــــرق الســــــــــواري العتمة
حظي ابالي وين ما اتشابى اعمـــــــــل ختمــة
القى الازرق المسادي بيني وبينو عامل كتمـــة

مبروك والله