منتدي جبل أم علي
نسعد دوما" بوجودكم بمنتدي جبل ام علي . ونتشرف باستضافتكم
بحـث
 
 

نتائج البحث
 


Rechercher بحث متقدم

سحابة الكلمات الدلالية

المواضيع الأخيرة
» قبل الدخول الي المنتدي صلي علي الحبيب
الأحد سبتمبر 21, 2014 10:50 am من طرف العمرابى

» المكتبة الشاملة
الإثنين مارس 31, 2014 11:20 am من طرف العمرابى

» خطوات عمل بنر ثابت
الإثنين مارس 31, 2014 11:07 am من طرف العمرابى

» روابط تعلم اللغة العربية
الإثنين مارس 31, 2014 10:53 am من طرف العمرابى

» خواطر وافكار لزيادة حب النبي (ص) عند الاطفال
الإثنين مارس 31, 2014 10:22 am من طرف العمرابى

» سألته عن فؤادى
الإثنين مارس 31, 2014 10:19 am من طرف العمرابى

» نسائم الليل زيديني
الإثنين مارس 31, 2014 10:14 am من طرف العمرابى

» يا زهرة الروض الظليل
الإثنين مارس 31, 2014 10:13 am من طرف العمرابى

»  يا أنة المجروح يا الروح حياتي تروح
الإثنين مارس 31, 2014 10:11 am من طرف العمرابى

نوفمبر 2017
الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
2627282930  

اليومية اليومية

التبادل الاعلاني

انشاء منتدى مجاني




خطاب الطفل لاخية الجنين

استعرض الموضوع السابق استعرض الموضوع التالي اذهب الى الأسفل

خطاب الطفل لاخية الجنين

مُساهمة من طرف الموج الازرق في الثلاثاء أغسطس 07, 2012 6:18 am

(خطاب الطفل لاخية الجنين)


صيغة خطاب مكتوبه من قلب الولد

من جوف طفل لحظاتو بين مره وشهد

لسع ما عرف طعم الحياة ويادوبو لسع في المهد

لكنو كان يعرف تمام غير انو مخلوق في كبد

كانت رسالتو دروس حياة في الزهن تسكن للابد

فيها المداد دمعة عيون منسابه الهبة الغدد

كلماتو من معجم لغات الدنيا كلها تستمد

مظروفا جوف كاتم انين فياض دوام ما ليهو حد

والطابعه كانت قبله من بين الشفاه مختومه بي صبر و جلد

عنوانا كان ظاهر كبير من غير حروف اللا ... اسد

الي رحم امــــي .... إلى رحم امــــي

وختي قوس قبال يقفل القوس عمد

يكتب كلام شان يلفت الانظار قصد

مضمونو بين قوسين يقول( ممنوعه ما يقراها حد)

وكان الخطاب عبر البريد السري حافظ المستند

في ذبذبات هذت دواخل امو لهباً ما برد

لمن صرخ ومسك الثدي واتواري في حجرا وغمد

لما الخطاب وصل الرحم بقي نطفه يادوبك تعد

تكوينا ما وصل المشيج في علقه منتظره المدد

لكن قدر يحكي الظروف الجات عليه بلا وعد

حكي لاخوه وقال كلام لابد من يلقالو رد

وكان الحدث صحوة ضمير علاما حلال العقد

دي رساله من طفلاً صغير حكي لاخوه
وقال سرد

********
دنيانا ما دنيا واحلامنا ما احلام

دي حقيقه ما رؤيا وقالو السبب اقسام

لو ليك كتب تحيا ضي عالم العلام

طال شوقي لي لقيا وخايف من الايام

بالله زنبنا ايه من قبل نتلاقي

نرد الغفار والتيه في الدنيا نتشاقا

ليه شجرة الوالدين يتحتو اوراقا

ما نلقي جيم لسين غير المعيشه اقسام

انا شوقي لجيتك دايرك معاي رفيق

بي جيها خايفلك عيشت نشاف الريق

انا نيتي زي نيتك لمت شقيق وشقيق

سالكين طريق مسدود ما بمشي لي قدام

انا داير احكي لك احوالي بالتفصيل

انا كالضفاف مخضر كانت حياتي قبيل

لكن بدين اصفر لمن هجرني النيل

اسع بقيت مجبر اتحمل الاقدار

العيشه بين والدين من مده متفرقين

زي المياه والطين وفقد النظر للعين

بيقلوا مشتاقين شاربين كؤس البين

كاس الوداد في الحين اصبح شرابو حرام

ما راعوا للجاين وما قدروا المولود

واظنهم ناسين الجاي والموجود

حتي الشرع والدين اتناسو ليه حدود

لما الصحف رفعت وجفت الاقلام

والليله ندمانين ايه الندم بيفيد

خلوني باكي وحزين عايش فرد وحيد

زي زهرة الياسمين من ايد اروح لي ايد

قطعوا الشديد ومتـــين لا غربه لا ارحام

انا داير اوصيك اصبر علي البلوه

ولا بد تلاقيك المره و الحلوه

كل العشم فيك انك تكون اقوي

من كل بلاويكا دنيكا تبقي سلام

ودنيانا ما دنيا واحلامنا ما
احلام..

____________________________________________________
avatar
الموج الازرق

عدد المساهمات : 406
تاريخ التسجيل : 23/07/2012
الموقع : المملكة العربية السعودية

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى